***

Yeldek yelar qish-u yoz,

Po‘lat izlar poyandoz,

Yaqin qilar yiroqni,

Ummon, shahar, qishloqni.

***

Olisdagi diydorni

Yaqin qiladi oson.

Dildan suhbat qurishga

Yaratar cheksiz imkon.

***

Yassi ekran, mustahkam,

Unda olam siri jam.

“Sichqoncha”ga aytsang bas,

Xizmatga tayyor shovvoz.

***

Qaldiroqda qaltirab

Qumda ko‘rindi.

Ildizi ham yo‘q ekan

Darrov bilindi.

***

Zimiston bag‘rin kesar,

Oftobni ko‘rsa o‘char.

***

Shaharlari odamsiz,

Dengizlari suv, namsiz.

Sahrosida yo‘qdir qum,

Bu qanday yurt, aytar kim?

***

Yassi, yashil tuproqqa

Oppoq durlar sochilar.

Uni tergan bolalar

Tafakkuri ochilar.

Muhabbat HAMIDOVA