Firdavs buvisi olib kelgan sharni puf­layotgan edi, Malika ogohlantirdi.

–  Oyi, qarang! Akam shamollashini sharga yuqtiryapti, endi u ham yo‘taladi.

***

    –      Buvijon, oymomo bugun osmonga chiq­mabdi, qayoqqa ketgan ekan-a? – samoga qarab hayron bo‘ldi Firdavs.

–  Boshqa osmondagi o‘rto­g‘i­nikiga ketgan bo‘lsa kerak, – bilag‘onlik qildi Malika.

***

–  Malika ochko‘z, Malika baqaloq, – singlisining g‘ashiga tegdi Firdavs.

– Aka, axir, men singlingiz bo‘lsam, och­ko‘zga aka bo‘lish yaxshimi? – dedi Malika kuyunib.

***

– Oyijon, filni suratga olib bering, – dedi Firdavs.

–  Aka, oyimning telefoniga fil sig‘maydi-ku, – hayron bo‘ldi Malika.

***

– Dada, akam maymunga tilini chiqarib masxara qilgandi, maymun uyalganidan yuzini qo‘llari bilan to‘sib oldi, – dedi Malika hayajon bilan.

***

Ona:

–  Qani o‘g‘lim, o‘tir. Menga maktabda nima ish qilganingni aytib berasan.

–  Iloji yo‘q o‘tirolmayman.

–  Nega?

–  Hozirgina dadam bilan shu haqida gaplashgan edim.

M.HAMIDOVA