Muallim barchaga berdi bir savol,

Tahlil qilib koʻring ushbu zamonni.

– Rustamov, qani tur, surmasdan xayol,

Xoʻsh, nechun sevasan Oʻzbekistonni?

Oʻrnidan turdi-yu, oʻylanib qoldi

Soʻng asta fikrini aytdi Davronbek.

“Saodatnoma”ni qoʻliga oldi,

Shovqindan ovozi eshitilmas lek.

Ustoz der: Jim turing, toʻpolon qilmang,

Tasvirlab bersin u shunday makonni!

Javobim: Kimlardir oʻtibdi bilmay,

Ne uchun sevishin Oʻzbekistonni.

Mening javobim-chi bittagina soʻz,

Yurak uni deya urar basma-bas.

Yurtim tinchligiga hech tegmasin koʻz,

Men uni sevaman,

Taʼrif shart emas!

Umida MAVLONOVA,

Hamid Olimjon va Zulfiya nomidagi

maktab-internati, 9-sinf